Англия чемпионатининг 24-тури доирасида бўлиб ўтган марказий баҳс якунланди. «Манчестер Сити» ўз майдонида «Тоттенхэм»ни қабул қилиб, йирик ҳисобда ғалаба қозонди.

Учрашувнинг 32-дақиқасида лондонлик ҳимоячиларнинг қўполлик туфайли "шпорлар" дарвозаси томон пенальти белгиланди. Уни "Сити" посбони Эдерсон тепмоқчи бўлганди, аммо бу имкониятни "шаҳарликлар" Родрига беришди. Унинг зарбасини Льорис қайтаргандек бўлганди, аммо тўп дарвозабоннинг қўлларидан тўпга бориб тушди.

АПЛнинг январь ойидаги энг яхши футболчиси деб топилган Илкай Гюндоган иккинчи бўлимда порлади. У 50 ва 66-дақиқаларда рақиб дарвозасини икки марта ишғол қилди. Якуний ҳисоб — 3:0.

Шу тариқа, Гвардиола жамоаси ўз очколарини 53тага етказиб, пешқадамликни мустаҳкамлади. "Тоттенхэм" эса 36 очко билан 8-поғонада қолди.

АПЛ, 24-тур
Манчестер Сити – Тоттенхэм 3:0 (1:0)
Голлар: 1:0 – 23, пенальти Родри, 2:0 – 50 Гюндоган, 3:0 – 66 Гюндоган.
Манчестер Сити – Эдерсон, Жоау Канселу, Лапорт, Стоунз, Зинченко, Родри, Гюндоган (Ферран Торрес, 69), Фоден, Бернарду Силва, Стерлинг, Габриэл Жезус (Маҳрез, 79).
Тоттенхэм – Льорис, Санчес, Танганга, Дэвис, Дайер, Ндомбеле (Алли, 64), Ламела (Бэйл, 72), Лукас Моура (Сиссоко, 46), Хейбьерг, Сон Хын Мин, Кейн.
Огоҳлантиришлар: Бернарду Силва (29), Ламела (65), Дайер (77), Дэвис (90).