«Реал»нинг ўнг қанот ҳимоячси Даниэль Карвахаль «Валенсия»га қарши (2:0) ўйинда ўнг оёқ сон мушаклари қисмидан жароҳат олиб учрашувнинг 26- дақиқасида заҳирага олинди. Маълумотларга кўра, футболчининг ушбу жароҳатдан тикланиш муддати икки ойни ташкил этади.
Испаниялик ҳимоячи аввал орттириб олган жараҳоти сабаб январь ойининг бошидан буён майдонга тушмаётган эди. Энди эса «Реал» унинг хизматларидан яна бир неча ой фойдалана олмайди.
Карвахаль жорий мавсум, барча мусобақалардаги 12 ўйин ўтказиб, икки голли узатмага муаллифлик қилган.
