Италия чемпионати 17-туридан ўрин олган "Рома" - "Кьево" учрашувида римликлар етакчиси Франческо Тотти бу йилги А Серия баҳсларидаги голлари ҳисобини очди. Бу ҳақда Championat.com интернет-нашри хабар бермоқда.
Тотти Италия чемпионатидаги сўнгги голини 2011 йилнинг 22 май куни урган эди.
Якшанба куни бўлиб ўтган учрашувда 35 ёшли ҳужумчи иккита пенальтини голга айлантириб, дублга эришди. "Рома" учрашувда 2:0 ҳисобида ғалаба қозонди.