Кириш Регистрация
11/05 18:50 Локомотив 1-3 Металлург
11/05 18:55 Сўғдиёна 4-1 Андижон
11/05 19:00 Динамо 2-0 Шўртан
11/05 22:00 Осасуна 3-2 Кадис
11/05 22:00 Ман. Юнайтед 1-2 Лестер
11/05 23:00 Эльче 0-2 Алавес
11/05 23:45 Наполи 5-1 Удинезе
11/05 23:59 Саутгемптон 3-1 Кристал Пэлас
12/05 01:00 Леванте 3-3 Барселона
12/05 18:40 Навбаҳор 2-0 Сурхон
12/05 18:50 Пахтакор 3-0 Қўқон-1912
12/05 22:00 Севилья - Валенсия
12/05 23:00 Уэска - Атлетик Бильбао
12/05 23:00 Сельта - Хетафе
13/05 00:15 Челси - Арсенал
13/05 01:00 Атлетико - Реал Сосьедад
13/05 18:45 Турон - Қизилқум
13/05 22:00 Вальядолид - Вильярреал
13/05 22:00 Астон Вилла - Эвертон
13/05 23:00 Эйбар - Бетис

Футбол тарихидаги энг яхши марказий ҳимоячилар

Баҳо:
+ | -

Биз футболда асосан  ҳужумчилар ҳақида кўп муҳокама қиламиз. Аммо, яна бир позиция борки, унга кўп ҳам эътибор беравермаймиз. Булар - ҳимоячилар позициясидир. Ҳимоя қўрғонида тер тўкадиган футболчилар, ўйиндаги энг қийин ишлардан бирини бажаришади. Улар нафақат ҳимояга, баъзида дарвозабон ўрнида сейв ҳам, баъзида эса ҳужумчи ўрнида гол ҳам уриб туришади. Ҳозир биз сизларга футбол тарихидаги энг яхши марказий ҳимоячилар ҳақида маълумот берамиз. Уларнинг кўпчилиги фаолиятини тугатган бўлса, баъзилари карерасини давом эттиришмоқда. Демак, футбол тарихидаги энг яхши марказий ҳимоячилар, булар..

 

Паола Мальдини

Ҳаётининг йигирма беш йилини Италиянинг «Милан»ига бағишлаган ушбу футболчи клубнинг афсонасига айланган. Ахир, Мальдинининг ёрдами билан «россонерлар» беш марта УЕФА Чемпионлар Лигасида ғолиб бўлишган, шунингдек етти марта Италия чемпионлиги соҳиби бўлишди. Мальдини футбол тарихидаги энг яхши ҳимоячилардан бири ҳисобланади. Қолаверса, «Милан» афсонаси Италия терма жамоасининг ҳам асосий футболчиларидан ҳисобланган. Паола терма жамоаси сафида 126 учрашувда майдонга тушиб, 7 голни ўз ҳисобига ёздириб қўйган. Унинг футболчилик даврида Италия 1990 - йилда ўтказилган Жаҳон чемпионатида бронза медалга эга чиққан бўлса, 1994 - йилги мундиалда иккинчи ўрин соҳибига айланган. Паола Мальдини ҳозирда «Милан»нинг спорт директори вазифасида фаолият олиб бормоқда.

Карлес Пуйоль

Ушбу футболчи ўзининг бардошлилиги билан мухлисларнинг ҳурматига сазовор бўлди. Пуйоль «Барселона»нинг марказий ҳимоячиси сифатида ажойиб ўйинлар кўрсатган. Испаниялик жароҳат билан ҳам ўйнаган пайтлари ҳам бўлган, ушбу ўйинларда ҳам ажойиб ўйнлар кўрсатгани учун, мухлислар томонидан «темир одам» ёки «шер юраги» каби лақаблари берилган. Карлес Пуйолнинг клуб ва терма жамоа миқиёсида ҳам омади келган. «Барса» собиқ футболчиси Испания терма жамоаси билан 2008 - йилги Европа чемпионати ва 2010 - йилги Жаҳон чемпионати олтин медалини қўлга киритган бўлса, каталонияликлар сафида Испания чемпионати, кубоги, суперкубоги, УЕФА Чемпионлар Лигаси, суперкубоги, клублар ўртасидаги ЖЧ каби чемпионатларда зафар қучган. Ҳа, унинг совринлар жавонида, деярли бўш ўрин қолмаган.

Фабио Каннавора

Фабио Каннаваро - «Олтин тўп» совринини қўлга киритган кам сонли ҳимоячилардан бири ҳисобланади. Машҳур футболчи ҳимояда ишончли ҳаракатлари билан бирга, аёлларнинг қалбини забт этиш билан ҳам анча ном қозонган. Унинг мудофаа марказидаги ажойиб ўйинларидан сўнг, мухлислар унга «бетон одам» деган лақабини берган. Фабио футболдаги деярли барча совринни қўлга киритган қўлга киритган. Италия терма жамоаси билан жаҳон чемпиони бўлган бўлса, «Парма» билан А серия чемпионлигини қўлга киритган. Кейинчалик, «Ювентус», «Реал Мадрид» каби клублар ҳимоя қўрғонида ҳам ишончли ўйинлар намойиш этган.

Рональд Куман

Роналд дунёдаги голеадор ҳимоячи ҳисобланади. Куманнинг ҳисобида бутун фаолияти давомида урган 193та гол мавжуд. У йўллаган ҳар қандай жарима зарбаси дарвозабонар учун қийинчилик туғдирган. Унинг зарбасининг кучига фақат Роберто Карлос тенглаша олади. Рональд «Барселона» билан биргаликда ютиш мумкин бўлган ҳамма чемпионат ғолиби бўлган ва каталонияликлар жамоасининҳ афсоналаридан бирига айланган. Голландия терма жамоаси сафида ҳам унинг «кетмони учган» дейиш мумкин. У «зарғалдоқлар» билан бирга 1988 - йилги Европа чемпионати олтин медалига эга чиққан. Рональд Куман ҳозирда мураббийлик фаолиятини олиб бормоқда. Англия, Голландиянинг бир қанча жамоаларида, шунингдек Голландия терма жамоасида устозлик қилган собиқ ҳимоячи, айни пайтда «Барселона»нинг бош мураббийи ҳисобланади.

Алессандро Неста

Италия футболи тарихида ажойиб ҳимоячилар жуда кўп бўлган, Неста ҳам ана шундай ўйинчилардан бири ҳисобланади. «Лацио» «Милан» каби клублар сафида Италия чемпионати, кубоги, суперкубоги, Чемпионлар Лигаси, УЕФА суперкубоги, клублар ўртасидаги Жаҳон чемпионати каби мусобақалар олтин медалларига сазовар бўлган. Қолаверса, Канада ҳамда Ҳиндистон чемпиони ҳам ҳисобланади. Шунингдек, у жаҳон чемпиони ҳам бўлган. Италия терма жамоаси билан Германияда ўтган 2006 - йилги мундиал финалида Франция устидан ғалаба қозониб олтин медалга эга чиққан. Италиялик фаолиятини 2014 - йилда тугатган бўлса, ҳозирги кунда мураббийлик фаолиятини олиб бормоқда. АҚШнинг «Майами», Италиянинг «Перуджа» жамоаларида ишлаган собиқ футболчи, ҳозирда «Фрозиноне» жамоаси бош мураббийи ҳисобланади.

Рио Фердинанд

1995 - йилдан, 2015 - йилгача «Вест Хем», «Борнмут», «Лидс», "Манчестер Юнайтед" каби жамоаларнинг ҳимоя марказида тер тўккан. Футболчилик фаолиятини катта қисмини "қизил иблислар" сафида ўтказган футболчи, совринларининг асосий қисмини ҳам айнан мазкур жамоа билан қўлга киритган. Рио майдонда нафақат ҳимоячи, балки етакчилик қобилияти билан ҳам майдонда ажралиб турган. Фердинанд 2001 йилги Чемпионлар Лигаси ярим финалида "Лидс" нинг асосий ўйинчиси бўлган. "Манчестер Юнайтед" сардори сифатида ҳам ўйнаган. Рио 2008 йилда манчестирликлар сафида Чемпионлар Лигасида ғолиб чиқди ва азалий орзусига эришди. Англия терма жамоаси сафида ҳам бир қанча ўйинлар ўтказган. "Уч шерлар" сафида 81 учрашувда майдонга тушиб, ўз ҳисобига 3та гол ҳам ёздириб қўйган.

Жон Терри

Ҳимоячилар одатда жуда кам гол уришади, аммо Жон Терри ҳисобида клуб миқиёсида 42та гол мавжуд. Собиқ марказий ҳимоячининг совринлар жавони ҳам ҳавас қиларл даражада, Англия Кубоги (5), Премер-лига (5), Лига кубоги (3), Англия суперкубоги (2), Чемпионлар Лигаси 2011/12, Европа Лигаси 2012/13 каби мусобақаларда ғолиб чиққан. Жон Терри "Челси" сардори ҳам ҳисобланган. Шунингдек, собиқ ҳимоячи терма жамоаси сафида ҳам бир қанча ўйинларда майдонга тушган. Ҳозирги кунда "Астон Вилла" жамоаси ёрдамчи мураббийи сифатида ишлаб келмоқда.

Виржил Ван Дейк

Англия Премер лигасининг охирги ўтган мавсуми нафақат "Ливерпуль"га, балки Ван Дейк учун ҳам анча омадли кечган. Қолаверса, 2019 - йилда Чемпионлар Лигасида ғолиб чиқиши, унинг энг яхши футболчиларга бериладиган "Олтин тўп" совриндорлари қаторида бўлишига замин яратган. Виржил ҳақиқатдан ҳам етакчи футболч. Ҳужум ташкил қилиш, ҳимоя марказидаги ишончли ҳаракатлари билан мухлислар қалбидан жой олган. Шунингдек, ҳимоячи ҳисобида Шотландия чемпионати ва кубоги олтин медаллари мавжуд. "Ливерпуль" билан 2019 - йилги клублар ўртасидаги ЖЧ олтин медаллари ҳам, унинг жавонида турибди. Ван Дейк Голландия терма жамоасининг асосий такиб ўйинчиси ҳисобланади. У ҳозиргача "лолалар юрти" такибида 38 учрашувда майдонга тушиб, 4 марта рақиблар поспонини ранжитишга эришган.

Серхио Рамос

"Эль-капитано" номи билан танилган "Реал" жамоаси сардори ва ҳимоячиси ҳoзирги пайтдаги энг яхши ҳимоячилардан бири дейиш мумкин. Рамос бошқа ҳимоячилардан ўзининг тажовузкор ҳаракати ва керакли пайтда ҳисобга ҳам таъсир эта олиши билан ажралиб туради. Қолаверса, ҳимоявий маҳорати туфайли у аллақачон "Реал Мадрид" ва Испания терма жамоаси учун кўплаб натижаларга эришган. 2005 - йилдан бери мадридликлар сафида майдонга тушиб келади. У шу пайтгача "қаймоқранглилар" сафида 466 марта майдонга тушиб, ўз ҳисобига 74 гол ёздириб қўйган. 2008 ва 2012 - йилларда Испания термаси билан европа чемпиони бўлган бўлса, 2010 - йил Африкадаги ЖЧ ғолиблигини ҳам қўлга киритган. "Реал Мадрид" сафида деярли ҳамма кубокни қўлга киритишга улгурган.

 

Жамшиджон Маҳмудов тайёрлади

Манба: stadion.uz
Киритилди: 11:21, 20.02.2021.
Ўқилди: 5666 марта.
Фикрлар: 0 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.