"Олтин тўп" мукофотини кетма-кет учинчи маротаба қўлга киритган Лионель Месси бу борада ўз ҳиссиётларини маросим меҳмонларидан яшириб ўтирмади.
Афсонавий футболчи Роналдонинг қўлидан совринни қўлга олар экан, аргентиналик юлдуз шундай деди:
"Мен учинчи маротаба ушбу совринни қўлга киритганимдан бениҳоя бахтиёрман. Бу жуда ҳам катта шараф. Биринчи навбатда менга овоз берган барча мураббий ва футболчиларга миннатдорчилигимни изҳор қиламан.
Шунингдек "Барселона" ва Аргентина терма жамоасидаги жамоадошларимга ҳам. Уларсиз мен бундай юксак эътирофларга сазовор бўла олмасдим. Энг аввало эса, ушбу "Олтин Тўп"ни жамоадошим Хави билан баҳам кўрмоқчиман.
У бу совринга мендан ҳам кўпроқ лойиқдир" - дея ўз сўзини якунлади Месси.
