«Барселона» Испания чемпионатининг 1-тур қолдирилга учрашувида «Элче» жамоасига қарши майдонга тушиб, 3:0 ҳисобида ғалаба қозонди. Мазкур учрашувдан сўнг, каталонияликлар ҳисобидаги очколар сони 50тага етди ва 3-ўринга мустаҳкам жойлашиб олди. Улар ҳозирда, етакчи «Атлетико»дан 5 очко ортда қолаётган бўлса, иккинчи ўриндаги «Реал Мадрид»дан атиги 2 очко кам жамғаришган. «Барселона»нинг бугунги учрашувда Месси дублни қайд этган бўлса, Жорди Альба ҳам ўз ҳисобига битта гол ёздириб қўйди.
«Барселона» - «Элче» 3:0
«Камп Ноу» стадиони
«Барселона»: Тер Штеген, Мингеса, Пике (Ленгле 77), Умтити, Алmба (Дест 77), Де Йонг, Пьянич (Дембеле 46), Педри, Тринкан (Бускетс 67), Месси, Брэйтуэйт (Гризманн 76)
