Туриннинг "Ювентус" клуби бош мураббийи Антонио Конте Tuttosport нашрига интервью берар экан, бу йилги Скудетто учун "Милан" ва "Интер"нинг имкониятлари "Юве"никидан кўра юқорироқ эканлигини таъкидлаб ўтди.
"Фикримча "Милан" таркиб борасида А сериянгинг энг кучли жамоаси. Аллегри жамоаси чемпионлик учун энг асосий фаворит эканлигини таъкидлаб ўтмоқчи эдим. Чунки улар ўтган йилги таркибини деярли сақлаб қолишган. Унинг устига жамоа ўйини ҳам борган сайин кучаймоқда. Улардан сўнг "Интер" номини тилга олишим мумкин. "Интер" ҳам таркиб борасида бизнинг жамоадан кучлироқ. Биз иккинчи даврада иложи борича камроқ очко йўқотишимиз керак. Скудетто учун юқорида номлари келтирилган жамоалар билан курашишга тайёрмиз",- дейди Конте.
