Ўзингизга маълум Қаршининг "Насаф" жамоаси Coca-Cola Суперлигаси 2020 - йилги мавсумида энг ёш жамоа бўлишига қарамай мавсумни иккинчи ўрин билан якунлаб кумуш медалларини қўлга киритган эди.
Бугун Қарши шаҳридаги Ёшлар маркази анжуманлар залида Зойир Мирзаев бошчилигидаги вилоят раҳбарлари, “Шўртангаз-кимё мажмуаси» раҳбарияти, "Насаф" жамоасининг содиқ мухлислари йиғилишди ва жамоа мураббийлари ва футболчиларга 2020 йилги Суперлига учун кумуш медаллари топширилди.
Маросим давомида ўтган мавсумда жамоа аъзолари таркибида энг фаол ҳаракат қилган футболчилар турли номинацияларда тақдирланишди:
Ҳусниддин Алиқулов — Энг ёш умидли футболчи;
Бобир Абдихолиқов — Жамоа тўпурари;
Ойбек Бозоров — Энг яхши ярим ҳимоячи;
Марко Станоевич — Энг яхши футболчи;
Умарбек Эшмуродов — Энг яхши ҳимоячи;
Абдувоҳид Неъматов — Энг яхши дарвозабон.
