Англия Премер-лигасининг 26-тури доирасида, Лондондаги «Стемфорд Бриж» ўйингоҳида кечган «Челси» ҳамда «Манчестер Юнайтед» жамоалари ўртасидаги марказий учрашув 0:0 ҳисобидаги дуранг билан якунланди.

Opta Sport хабарига кўра, ушбу иккала жамоа тарихда иккинчи марта чемпионатдаги ҳар иккала ўйинда ҳам 0:0 ҳисобида дуранг қайд этишди. Сўнгги марта бундай кўрсатгич ХХ асрнинг биринчи ярмида, 1921/1922 йилги мавсумда содир бўлган эди.

Жамоалар ўртасидаги дастлабки тур учрашуви 2020 йил 24 октябрда бўлиб ўтган ва 0:0 ҳисобидаги дуранг билан якунланган.

Маълумот ўрнида, манчестерликлар 26 турдан сўнг, 50 очко бикан АПЛ турнир жадвалида иккинчи ўринни банд этишган. 44 очко жамғарган лондонликлар эса бешинчи поғонадан жой олган.