«Арсенал» ҳужумчиси Александр Ляказетт ёзги трансферлар вақтида жамоасини ўзгартириши мумкин.
Франциялик ҳужумчининг «Канонирлар» билан шартномаси 2022 йилнинг ёзига қадар амал қилади. «Арсенал» раҳбарияти эса Ляказеттга янги шартнома таклиф қилишни режалаштирмаяпти, бу унинг жамоадан эрта кетиш эҳтимолини сезиларли даражада оширади.
Лондонликлар ҳужумчи учун таклифларни кўриб чиқишга тайёр. Ляказеттга учта клуб, «Атлетико», «Монако» ва «Рома» даъвогарлик қилмоқда.
Қайд этиш мумкин, 29 ёшли футболчи ушбу мавсум, «Арсенал» таркибида барча мусобақаларда 30 ўйин ўтказиб, 11 гол ва 3 голли узатмани муаллифига айланган.
