Аргентина терма жамоасининг собиқ бош мураббийи Сесар Луис Менотти Аргентина нашрларига берган интервьюсида, жаҳон футболида кимни энг яхши деб ҳисоблаши ҳақида фикр билдирди.
Менотти, ҳеч бир шубҳаланмасдан, Пелени футбол қироли деб атади, деб ёзади Аргентина газеталари.
"Жаҳон футболида мен кўрган энг буюк футболчи — Пеле. У Ди Стефано, Кройф, Марадона ва Мессининг бир қоришмаси эди", деди Менотти.
Мутахассиснинг охирги иш жойи Мексиканинг "Текос" клуби бўлиб турибди. 2008 йили клуб президенти билан келиша олмай, жамоани тарк этганидан бери Менотти ишсиз. 1978 йили Аргентина терма жамоасини жаҳон чемпионлиги сари етаклаб борган мутахассисдан, "Мураббийлик фаолиятингизни қайта бошлашни хоҳламайсизм?", деб сўрашганида у шундай жавоб берди:
"(Фламенко услубида гитара чалувчи испаниялик энг машҳур машшоқлардан бири) Пако де Люсиядан бориб сўранг-чи, гитара чалишни хоҳлармикин?".