Ўтган мавсумда бронза медалларини қўлга киритган АГМК клуби жорий мавсумнинг илк турида ўз уйида "Локомотив"ни қабул қилиб, 3 очкони қўлга киритди.

Олмалиқликлар баҳснинг 3-дақиқасидаёқ ҳисобни очишди. Чап қанотдан ҳаволатиб етказилган узатмани АГМКнинг нидерландиялик ҳужумчиси Элвин Фортес бош билан дарвозага жойлаб қўйди.

"Темирйўлчилар" биринчи бўлимнинг ўзидаёқ мувозанатни тиклашди. 36-дақиқада меҳмонлар футболчиси томонидан етказилган ажойиб узатма натижасида Қодирқулов дарвозабон билан яккама-якка вазиятга чиқиб кетди ва дарвозани ишғол қилди.

Ўйин тугашига 14 дақиқа қолганида эса АГМК футболчиси чиройли узатма билан Жокични жарима майдончасига бошлади. Унинг узатмасини эса Касьян яқин масофадан "Локомотив" дарвозасига жойлаб қўйди.

Шу тариқа, АГМК мавсумни муҳим ғалаба билан бошлади.

СУПЕРЛИГА, 1-ТУР. 9 март, сешанба
АГМК — «Локомотив» - 2:1 (1:1)
Голлар: Элвин Фортес (3), Александр Касьян (76) — Санжар Қодирқулов (36)
АГМК (4-3-3) — 1.Ботирали Эргашев - 77.Дилшод Аҳмадалиев, 8.Бобур Йўлдошев, 7.Сардор Раҳмонов, 2.Акром Комилов - 23.Йован Жокич, 17.Санжар Турсунов, 22.Санжар Шоаҳмедов - 94.Элвин Фортес, 18.Александр Касьян, 11.Мурод Тошматов.
«Локомотив» (4-3-3) — 35.Жавоҳир Илёсов - 28.Шуҳрат Муҳаммадиев, 3.Ислом Қобилов, 22.Диего Барданка, 94.Хуршид Мухторов - 5.Кахи Махарадзе ©️, 8.Жавоҳир Сидиқов, 21.Ғуломҳайдар Гулямов - 14.Азизбек Аманов, 10.Марат Бикмаев, 17.Санжар Қодирқулов.
Ҳакамлар: Шавкат Насибуллаев, Расул Фозилов, Максим Нехочин, Ғайрат Жўраев
Назоратчи: Олег Дачев
Комиссар: Алишер Файзиев