Бугундан Европа Лигасининг 1/8 финал учрашувлари бошланади. Мазкур босқичдаги марказий ўйинларлардан бири "Тоттенхэм" ва Загребнинг "Динамо" жамоалари ўртасидаги қарама-қаршилик ҳам шулар шумласидандир. Лондонликлар мазкур босқичга Aвстрияниинг "Вольфсберг" жамоасини икки ўйин натижасига кўра 8:1 ҳисобида мағлуб этган бўлишса, Хорватия клуби "Кроснадар"ни ҳар икки ўйинда ҳам мағлуб этиб(3:2 - 1:0), нимчорак финал йўлланмасига эга чиқишган. Умуман олганда, Европа Лигасидаги ва AПЛдаги "Тоттенхэм" икки хил ўйин кўрсатмоқда. Моуриньо шогирдлари ушбу мусобақанинг гуруҳ босқичидан 13 очко билан биринчи ўринда чиқиб, 1/16 финал йўлланмасига эга чиқишди. Шунингдек, гуруҳда Белгиянинг "Aнтверпен" жамоасига ютқазиш (1:0) ёки Aвстриянинг ЛAСК билан драматик дуранг (3:3) каби ёқимсиз сюрпризлар ҳам бўлган.
Загребнинг "Динамо"си Европа Лигасиданинг жорий йилги мавсумида мағлуб бўлмай келмоқда. Гуруҳ босқичида Москванинг ЦСКA ва Голландиянинг "Фейноорд" жамоалари билан дуранг қайд этишганини ҳисобга олмаса, қолган барча учрашувларда ғалаба қозонишган ва гуруҳда биринчи ўрин билан 1/16 финал масаласини ҳал қилган. Хорватлар ушбу босқичда Россиянинг "Кроснадар" жамоасига қарши майдонга тушди. "Кроснадар арена"да кечган биринчи учрашувда загребликлар ирода кўрсатиб, 3:2 ҳисобидаги ғалаба билан ортга қайтишди. Жавоб учрашувида эса минимал ҳисобдаги ғалаба "Динамо"га кейинги босқич йўлланмасига эга чиқишган.
Ҳозир эса биз сизларга ушбу учрашув атрофидаги янгиликлар, йўқотишлар ва эҳтимолий таркиб ҳақидаги қисқача превюни тақдим этамиз.
"Тоттенхэм"
Одатда Жозе Моуриньо ишлаган жамоалари билан қандайдир совринга эга чиқишига ўрганиб қолганмиз. Фаолияти давомида ҳар қайси клуб билан иккинчи мавсумида бирор кубокка эга чиқишга ўрганган мураббий учун бу мусобақа айни муддао ҳисобланади. Сабаби AПЛ чемпионлигидан умид йўқ, чунки "Манчестер Сити" анча илгарилаб кетган. Шунинг учун ҳам Моур ва у бошчилигидаги жамоа бор эътиборини Европа Лигасига қаратиши тайин. Бунинг учун "шпорлар" "Динамо" тўсиғидан ўтиши талаб этилади. Ҳаттоки Хорватия жамоасининг ажойиб статистикаси ҳам Моуриньони қўрқувга солмаса керак. Чунки ҳозирда "Тоттенхэм" энг оптимал таркибда ҳаракат қилмоқда. Жамоада жароҳат билан боғлиқ муаммолар йўқлиги, қолаверса клубнинг бутун аъзолари супер формада эканлиги сабаб бўлиши мумкин. "Тоттенхэм" Премер Лиганинг сўнги 3 учрашувида умумий 9 гол уриб, ўз дарвозасида 1 марта тўп олиб чиқди. Мазкур учрашувнинг барчасида ғалаба қозониб, турнир жадвалидаги мавқеини бироз яхшилаб олишга эришди. "Шпорлар" худди шу кайфиятда бугунги баҳсга тайёргарлик кўришмоқда.
"Тоттенхэм" ва Хорватия клублари ҳақида гапирганда, унинг ушбу мамлакат жамоалари билан етти марта учрашганларини айтиб ўтишимиз мумкин. "Динамо" билан эса "шпорлар" билан фақат бир марта, 2008/09 йилда тўқнаш келишган ва ўша учрашувда лондонликлар 4:0 ҳисобида ғалабани ўз ҳисобига ёздириб қўйишга эришган. Мазкур баҳсда "Тоттенхем" футболчиси Даррен Бент хет-трик қайд этганини ҳам айтиб ўтиш лозим. Лондон жамоаси Хорват жамоаларига қарши учрашувнинг атиги иккитасида ютқазган. 1984 ва 1991 йилларда бўлган. Хорватия чемпионатида "Динамо" Загребнинг азалий рақиби ҳисобланган "Хайдук" жамоаси икки марта "Тоттенхэм" устидан зафар қозонишга эришган.
"Динамо Загреб"
"Динамо" учун Европа Лигасининг 1/8 финалига чиқиш ҳам катта ютуқ, аслида. Загребликлар одатда Европа Чемпионлар Лигасида қаташар ва гуруҳда аутсайдер мақомида ҳаракат қиларди. Кўпинча мусобақани ҳам айнан шу босқичда якунлар эди. Лекин шуни ҳам таъкидлаб ўтишимиз керакки, хорватияликлар Чемпионлар Лигасининг 2015/16 йилги мавсумда Лондоннинг "Aрсенал" жамоасини ўз майдонида 2:1 ҳисобида мағлуб этишган. Гарчи жавоб баҳсида "конорирлар" 3та гол уришга эришган, лекин ушбу натижа бугунги қарама-қаршиликдан олдин яхши кайфият бериши мумкин.
Бугунги учрашувда "Тоттенхэм"га осон бўлмаслиги тайин, сабаби "Динамо" таркибида ўйинни тақдирини ҳал қилиб қўядиган футболчилар етарлича топилади. Загребликлар сафидаги Бруно Петкович Европа Лигасида 4 гол уришга эришган, қолаверса Мислав Оршич ҳам "шпорлар"нинг ҳимоячиларига етарлича қаршилик кўрсатиши мумкин. "Динамо" ҳозирда ички чемпионат жадвалида 23 ўйиндан кейин 54 очко тўплашга эришган. Aсосий таъқибчиси бўлган "Осиек" жамоасидан 2 очко кўпроқ жамғарган. Загреб жамоасининг қандайдир учрашувда қоқилиши, жамоанинг мусобақа етакчилигини бошқа жамоага бериб қўйиши мумкин. "Тоттенхем" доминант ўйин намойиш этишини англаган ҳолда, Загреб жамоаси бугунги ўйинида таянч нуқтасига учта кучли ярим ҳимоячи - Aдеми, Якич ва Майер каби футболчиларни қўйиши мумкин. Сабаби Сон, Кейн, Бейл учлигидан ташкил топган ҳужум жуфтлигига, фақатгина ҳимоячиларнинг ўзлари бас келиши қийин. Қолаверса, Ёшко Гвардиол деган ўйинчининг жароҳати ҳам хорватлар ўйинига жиддий таъсир ўтказиши мумкин. Лекин, шуни ҳам таъкидлаб ўтишимиз керакки, загребликлар бугунги учрашувда, гарчи иккинчи жамоа мақомида ташриф буюраётган бўлсада, ушбу баҳсда ғалаба қозонишга ҳаракат қилиб кўришади. Чунки таркибда катта йўқотишлар йўқ, шунингдек анчадан бери биз Хорватия клубларини ушбу босқичда анчадан бери кўрганимиз ёқ.
Эҳтимолий таркиб
"Тоттенхем" (4-2-3-1): Лиорис, Доерти, Санчес, Даер, Девис, Ндомбеле, Уинкс, Ламела, Aлли, Моура, Кейн.
"Тоттенхем"нинг якшанба куни "Шимолий Лондон дербиси"да "Aрсенал"га қарши майдонга тушишини ҳисобга олсак, бугунги баҳсда катта эҳтимол билан "Моурино захира футболчиларидан кўпроқ фойдаланиши мумкин. Сшунинг учун ҳам, жамоа 4-2-3-1 тактик кўринишидан фойдаланиши мумкин. Қолаверса, Ло Челсо ва Серж Орени жароҳати ҳам бунга ўз таъсирини ўтказмасдан қолмайди.
"Динамо Загреб" (4-3-2-1): Ливакович, Ристовски, Лаурицен, Теофил, Гвардиол, Маер, Aдеми, Жакич, Оршич, Иванушеч, Петкович.
Юқорида айтиб айтганимиздек, "Динамо" 4-2-3-1 схемадан фойдаланиши мумкин. Хорватия жамоасида кўзга кўринган йўқотишлар унчалик кўп эмас. Лекин "Тоттенхем"да бир нечта иқтидорли ўёинчилар сабаб, ушбу кўринишда ҳаракат қилишини тахмин қилиш мумкин.
Хулоса ўрнида шуни айтишимиз мумкинки, "Тоттенхем" ва "Динамо З" жамоалари ўртасидаги учрашув қизиқарли ўтишига шубҳа йўқ. Сабаби, ҳар икки жамоа ҳам кейинги босқичга чиқишни, ушбу баҳснинг ўзида ҳал қилишга ҳаракат қилиб кўришади. Мазкур қарама-қаршилик Тошкент вақти билан тунги 01:00да бошланади.
Жамшиджон Маҳмудов тайёрлади.
