Туриннинг "Ювентус" клуби "Кальяри" жамоаси ярим ҳимоячиси Раджа Наинголлан учун 15 миллион евро тўлашга розилик билдирган.
Туринликлар спорт директори Бепе Маротта "Кальяри" расмийлари билан футболчи борасида музокараларни бошлаб юборган, дейди "L’Unione Sa".
Норасмий маълумотларга қараганда, "Кальяри" ўз футболчиси учун 15 миллион евро сўраган. "Ювентус" футболчи учун шунча миқдорда пул беришга тайёр.
Туринликлар ҳатто, Наинголлан учун 15 миллион евродан ташқари, швециялик ҳимоячи Альбин Экдальни "Кальяри"га бир йилга ижарага беришга тайёр.