Европа Лигасининг 1/16 финали доирасида 16 февраль куни бўлиб ўтадиган "Рубин" – "Олимпиакос" учрашуви Қозонда эмас, Москвада "Лужники" аренасининг сунъий майдонида бўлиб ўтиши эҳимоли катта.
Қозон клуби ўйинни Россия пойтахтига кўчириш масаласини жиддйи кўриб чиқмоқда. Бунга сабаб — мамлакатда ноябрь ойи якунлари бўйича энг яхши ҳолатда деб топилган Қозондаги Марказий стадион чимини миллий чемпионатнинг ҳал қилувчи босқичи олдилдан бузиб қўймаслик. Шу сабаб билан қозонликлар "Локомотив"га қарши икки уй учрашуви — 11 марта куни чемпионат тури доирасида ва 21 марта куни Россия Кубоги доирасидаги ўйинларни 10 минг кишилик "Рубин" стадионида ўтказишни мўлжаллашмоқда.
Бироқ "Рубин" ҳозирча расман ҳеч қандай ҳаракатни бошлаган эмас: шаҳарнинг иккинчи стадионини заявка қилмаган, "Лужники" билан музокаралар ҳам олиб бормаган. Агар "Олимпиакос" билан ўйин "Лужники"да ўтказиладиган бўлса, ўйин 16 февралда бўлмаслиги мумкин. Чунки шу куни Москвада Еврпа Лигаси 1/16 финалининг бошқа бир учрашуви — "Локомотив" – "Атлетик" бўлиб ўтади.
