Кеча сайтимизда хабар бериб ўтганимиздек венгриялик қанот ярим ҳимоячиси Балаж Жуджак Москванинг "Динамо" клуби билан тўрт йиллик шартнома имзолади.
Футболчи трансфер кутилганидан ҳам тез амалга ошгани учун "Анжи" раҳбариятига миннатдорчилик билдириб ўтар экан, қуйидагиларни маълум қилди.
"Динамо"га розилик беришимда клубнинг "Анжи"га қараганда номдор экани катта рол ўйнади. Россия илк бор ташриф буюрганимда асосан "ЦСКА" ва "Динамо" ҳақида эшитардим. Айни пайтда клуб Премьер-лигада жуда яхши ўринни эгаллаб турибди. 2-ўриндаги "ЦСКА"дан бор йўғи 1 очко ортда бораётганини инобатга олсак, "Динамо" чемпионлик учун курашишини таҳмин қилиш мумкин. Мен Европа лигаси ё бўлмаса ЕЧЛда ўйнашни истайман ва шунинг учун ҳам "Динамо" таклифига рози бўлдим".
