Германиянинг Transfermarkt портали 2021 йил март ҳолати бўйича жаҳоннинг энг қиммат футбол лигалари рейтингини эълон қилди.

Унга кўра, Англия Премьер Лигаси дунёнинг энг қиммат футбол лигаси номини сақлаб турибди. АПЛда ҳаракат қилувчи футболчиларнинг умумий трансфер қиймати 8,84 миллиард еврони ташкил этган.

Кейинги ўринларда Италия А Серияси (5,11) ва Испания Ла Лигаси (4,86 миллиард евро) бормоқда. Эътиборлиси, Англиянинг иккинчи даражали лигаси — Чемпионшип рейтингда Португалия чемпионатини ортда қолдириб, 6-ўринга кўтарилган.

Дунёнинг энг қиммат ўнта футбол лигаси:

1. АПЛ (Англия) — 8,84 миллиард евро
2. А Серия (Италия) — 5,11 млрд
3. Ла Лига (Испания) — 4,86 млрд
4. Бундеслига (Германия) — 4,52 млрд
5. Лига 1 (Франция) — 3,56 млрд
6. Чемпионшип (Англия) — 1,26 млрд
7. Примера (Португалия) — 1,16 млрд
8. Эредивизия (Нидерландия) — 1,03 млрд
9. РПЛ (Россия) — 966 млн
10. MLS (АҚШ ва Канада) — 840 млн