Жароҳатлар мени шунчалик таъқиб этяптики, уларга дастхат керакмикин, деб ўйлаб қоламан баъзан. (Алессандро Дел Пьеро)
Қайсидир футболчини айблашдан олдин, унинг бутсасини кий, унинг йўлини босиб ўт, кўз ёшларини оқиз, оғриқларини ҳис қил. У қоқилган ҳар бир тошни сен ҳам босиб ўт, мухлисларнинг норозиликларини бошингдан ўтказ. Ана ўшандан кейин — мен футбол ўйнашни биламан, дейишинг мумкин. (Рафа Бенитес)
Динни, уйни, машинани, хотинни, умуман барчасини алмаштириш мумкин, аммо севимли клубни эмас. (Эрик Кантона)
"Порту" билан ўйиндан кейин ҳам бизни қувватлаш учун стадионга келган мухлисларга миннатдорчилик билдираман. Мен келмасдим. Мабодо келганимда ҳам, футболчиларга помидор отиш учунгина келардим. (Валерий Карпин)
Гол бўлмаётгани менинг эмас, газеталарнинг муаммоси. (Фернандо Торрес)
Нега мени ҳамкасбларим танқид қилишади? Чунки улар жуда яхши биладики, шунақа қилишса, газеталарнинг биринчи саҳифасида суратлари босилиб чиқади. Мен улар учун текин реклама! (Жозе Моуриньо)
Футбол — оддий ўйин. Футболни оддий ўйнаш эса янада қийинроқ. (Йоҳан Круифф)
Футбол ўйнаш учун оёқ кийимим йўқлиги учун хафа бўлардим. Бир куни бир оёғи йўқ кишини учратиб қолдим. (Зайниддин Зидан)
Мен учун тўп билан келаётган ўнта Гутидан, тўпсиз битта Раул хавфлироқ. (Сантяго Канисарес)
Сенга нима дейишаётганини диққат билан эшит, лекин ўз билганингдан қолма. (Тьери Анри)
Бир пайтлар, мени тўхтатиш учун пистолет керак, дейишарди. Мессини тўхтатиш учун эса ҳатто пулемёт ҳам етарли эмас. (Христо Стоичков)
Қачондир ўлаётганимда, мени касалхонага эмас, "Энфилд"га олиб боринглар. Ўша ерда туғилдим, ўша ерда ўламан! (Стивен Жеррард)
