Франциянинг «Лион» клуби ҳужумчиси Мемфис Депай жамоа билан янги шартнома тузиш борасида бир қарорга келолганича йўқ.

Бунга унинг бир нечта топ клублардан таклифлар олаётгани ҳалал бермоқда. Шу сабабли нидерландиялик футболчи раҳбарият билан музокараларни вақтинчалик муддатга тўхтатиб турибди.

У ҳалиям «Барселона»га йўл олиш фикридан воз кечмаган. Бироқ, «шерлар» Мемфис билан хайрлашишни истамаяпти ва унга яна ҳам манфаатлироқ шартнома таклиф этишга уриниб кўради.

Маълумот учун, Депай жорий мавсум 30 та ўйинда майдонга тушиб 14 гол ва 9 ассист муаллифига айланди.