Самарқанднинг "Динамо" клуби Қозоғистоннинг "Шахтёр-2" жамоасини мағлубиятга учратди. Бу ҳақда "Динамо" расмий сайти хабар бермоқда.
Мавсумга тайёргарликни Тошкентда олиб бораётган "Динамо" йиғин доирасидаги иккинчи ўртоқлик учрашувини Қозоғистоннинг амалдаги чемпиони — "Шахтёр" жамоаси ўринбосарларига қарши ўтказган. "ЎФФнинг сунъий қопламали майдонида кечган ушбу ўйинда "Динамо" бош мураббийи Аҳмад Убайдуллаев бир қатор футболчиларни синовдан ўтказиб олди", дейилади клуб расмий сайтидаги хабарда.
Дилявер Абибуллаев, Сирожиддин Сайфиев ва Рўзим Аҳмедовлар томонидан киритилган голлар динамочиларга 3:1 ҳисобидаги ғалабани туҳфа этган.
Назорат учрашуви. 14 январь (шанба).
"ДИНАМО" - "ШАХТЁР-2" (Қарағанда, Қозоғистон) 3:1
Голлар: Д.Абибуллаев, С.Сайфиев, Р.Аҳмедов.
Тошкент, ЎФФ майдони.













