«Реал» Испания чемпионатининг 28-туридан ўрин олган «Сельта»га қарши ўйинда 3 очкони қўлга киритди, аммо "Қироллик клуби" мазкур баҳсни бошқариб борган ҳакам Марио Мелеро Лопеснинг баъзи қарорларидан норози бўлди.

Баҳснинг 80-дақиқасида Лука Модрич ўз жарима майдони атрофида тўпни Лукас Васкес узатди. Мезбон жамоа футболчи эса хорватиялик ўйинчининг оёғига урилиб йиқилди. Ҳакам мазкур вазият учун Модричга сариқ карточка кўрсатиб, "Сельта" фойдасига жарима зарбаси белгилади. Аспаснинг жаримадан йўллаган зарбасидан кейин тўп устунга тегди. Агар вазият гол билан якунланганида "Мадрид" мазкур турда очко йўқотиши мумкин эди.

«Қаймоқранглилар» Испания футбол федерациясига шикоят киритиб, мазкур ноҳақ огоҳлантиришни бекор қилдирмоқчи.

Маълумот ўрнида. «Реал» Ла лига доирасида 24 октябрь санасидан бери пенальти тепмади.