Жаҳон чемпионатига саралаш босқичи учун ўтказиладиган ўйинларда Англия миллий терма жамоасининг икки нафар футболчисида жароҳат борлиги маълум бўлмоқда.
МЮ форварди Маркус Рэшфорд ҳамда «Арсенал» хавбеки Букайо Сака терма жамоанинг эртанги «Сан Марино»га қарши баҳсини ўтказиб юбориши кутилмоқда. Рэшфорд машғулотлар жараёнида оёғини енгил шикастлаб олган. Сака эса «Тоттенҳем» билан ўйинда жароҳат олган эди.
Бироқ ушбу футболчиларнинг кейинчалик Албания (28 март) ва Полшага (31 март) қарши учрашувларда майдонга тушиши кутиляпти.
