"Ювентус" яримҳимоячиси Адриен Рабьо ушбу мавсумда жамоадаги ўйинини юқори баҳолади.
"Мен яхши ишлаяпман, аммо жамоа қийинчиликларга дуч келмоқда. Мен ҳар доим ўзимнинг энг яхши футболимни намойиш этишга ва тез-тез майдонга чиқишга ҳаракат қиламан.
Aммо, ҳар уч кунда ўйнаб, доимий равишда яхши натижаларга эришиш қийин. Аммо мураббий майдонга чиққанимда бор кучимни бераётганимни кўрмоқда. У буни яхши билади», -дейди франциялик яримҳимоячи.
Маълумот учун, 25 ёшли футболчи ушбу мавсум А Серияда 23 ўйинда майдонга тушиб, 2 голга муаллифлик қилди.
