"Манчестер Сити" ҳужумчиси Габриэл Жезус ушбу ёзда жамоани тарк этишини маълум қилган Серхио Агуэро ҳақида ўз фикрлари билан ўртоқлашди.
«У майдонга чиқади ва гол уради. Серхио ҳақиқий голеадор. Мен буни аниқ билман. Чунки мен у билан ҳар куни ишлайман ва майдонда кўп бирга бўламан.
Биргаликда ўйнаганимизда мен битта гол урсам, у иккита, мен иккита урсам у учта гол урар эди.
Мен ундан келажакда қандай қилиб кўплаб голларни уриш ва қандай қилиб ҳақиқий тўпурарга айланиш ҳақида кўп нарсаларни ўрганишим керак деб ўйлайман. Агуэро "Манчестер Сити" тарихидаги энг яхши ўйинчи», -дейди бразилиялик ҳужумчи.
