“ПСЖ”нинг 33 ёшли аргентиналик ярим ҳимоячиси Анхел Ди Мария ватандоши Лионел Мессининг «Барселона»да ўйнаши ҳақида ўз фикрлари билан ўртоқлашди.

«Менинг карьерам давомида орттирган тажрибамга асосланиб, Лео бошқа сайёрадан келган деб ўйлайман. Қачондир унинг жамоадоши бўлиш жуда яхши бўларди. Энди у «Барселона» футболчиси ва амалдаги шартномаси бор. Келинг, келажакда нималар бўлишини кузатайлик.

Мен у билан жуда кўп мулоқот қиламан ва ҳар доим унга асосий нарса унинг бахт ва оиласининг фаровонлиги эканлигини айтаман. Бошқа нарса дейиш қийин», - дея Ди Мариянинг сўзларини келтиради Goal.

Ушбу мавсумда Ди Мария «ПСЖ» сафида барча турнирларда 31 учрашувда қатнашиб, 6 гол ва 12 голли пас берди. Унинг Париж клуби билан шартномаси 2022 йил ёзигача амал қилади.