Яқин кунлар орасида «Боруссия» Дортмунд ҳужумчиси Эрлинг Холанд трансфери барча ОАВларнинг эътибор марказига тушган.
Ҳозирча «асаларилар» футболчисига 180 миллион евро нарх белгилаган. Агарда ушбу трансфер амалга ошиб қоладиган бўлса, нафақат дортмундликлар, балки Эрлингга яқин инсонлар учун ҳам бу анча фойдали бўлиши мумкин.
Хусусан, ушбу нархдан норвегияликнинг агенти Райола учун 20 миллион ва футболчининг отаси учун ҳам худди шунча суммадан фойда тегиши мумкин. Шунингдек уни сотиб олган клуб Ҳоландга йилига 30 миллион евро маош тўлашига тўғри келади.
Фақат бунинг учун ушбу трансфер жорий йил амалга ошиши керак. Келаси йилдан эса унинг нархи кескин тушиб кетиши мумкин.
