Италиядаги бир қанча ОАВнинг маълум қилишича римнинг "Лацио" клуби "Арсенал" футболчиси Андрей Аршавин билан ўзаро келишувга эришган.

Россия терма жамоаси сардори қишки трансфер пайтида Лондонни тарк этиши мумкинлиги ҳақида бир неча бор айтиб ўтганди. Маълумотларга қараганда, Аршавин ўзининг собиқ жамоаси, Санкт-петербургнинг "Зенит" жамоаси бош мураббийи Лучано Спаллетининг унга қўнғироқ қилишини кутган эди. Аммо, италиялик мутахассис ҳозирда Аршавинга муҳтожлик сезмаётганлигини таъкидлагач, футболчи ўзига янги жамоа ахтаришни бошлаб юборганди. Орада "Лацио" унга жудаям қулай таклиф билан чиққанлиги ҳақида маълумотлар тарқалди. Тасдиқланмаган маълумотларга қараганда 30 ёшли футболчи ҳозирда римликлар билан музокара олиб бормоқда ва яқин кунлар ичида айнан "Лацио" сафига кўчиб ўтар экан. MSN. News.it нинг хабарига кўра Аршавиннинг агенти ҳозир Римга музокара олиб бориш учун етиб келган.