«Барселона» ҳимоячиси Жерард Пике «эл-класико» якунлангач, ўзини боса олмади ва захира ўриндиғидан майдонга чиқиб кетди.
У бош ҳакам Хесус Мансанонинг қароридан норозилигини билдирди. Жерарднинг фикрича, Брэйтуэйт ҳамда Менди ўртасидаги курашда контакт бор эди. Пике ўйин сўнггида белгиланмаган пенальти борасида рефери билан анча вақтгача тортишди.
Бироқ буларнинг барчасини ҳакам эътиборга олмади. Ҳамда учрашув комиссари ёрдамида испаниялик футболчи майдондан олиб чиқилди.
Эслатиб ўтамиз, матбуот анжуманида ҳам Куман пенальти борасидаги вазиятга агрессив муносабат билдирган эди.
