Хабарингиз бор, Италияда ҳалиям коронавирус муаммоси билан боғлиқ вазият яхшиланмаган.
Милан шаҳри эса ҳамон қизил зоналигича қолмоқда. Бу ерда жамоат жойларида тўпланиш мумкин эмас. Бироқ шунга қарамай Златан Ибраҳимович яқинда карантин қоидаларини бузиб ресторанга овқатлангани борган.
Ушбу хабар Италия матбуотда кенг муҳокама бўлмоқда. Қайд этилишича, футболчи ўз дўстининг ресторанига ташриф буюрган ва у ерга клубининг собиқ ҳимоячиси Иньяцио Абатени ҳам таклиф этган.
Тез орада спиртли ичимликлар ичиб жамоат тартибини бузганлиги учун Златанга нисбатан чора кўрилади.
