«Манчестер Юнайтед» ҳужумчи Эдинсон Каванини қўйиб юбормоқчи эмас.

Журналист Фабрицио Романонинг сўзларига кўра, клуб уругвайлик футболчининг қарорини кутмоқда.

Бир неча кун олдин «Манчестер Юнайтед» раҳбарияти ва футболчининг агентлари ўртасида учрашув бўлиб ўтган, аммо томонлар ўзаро манфаатли келишувга эриша олмаганлар.

Манкунианликлар мамнуният билан Каванининг шартномасини яна бир йилга янгилаши мумкин, аммо Эдинсон бунинг ижобий ва салбий томонларини оиласи билан муҳокама қилиш учун вақт сўраган.

Ўз навбатида, ҳужумчида «Бока Хуниорс» дан таклиф бор, Аргентина клуби тажрибали футболчи билан икки йилга шартнома имзолашга тайёр.

Кавани «қизил иблислар» сафида ушбу мавсумда 29 ўйин ўтказди ва 8 гол уриб, 2 голга узатма амалга оширди.