"Барселона" жамоаси ёзги трансферлар ойнасида "Милан" клубининг тажрибали ҳимоячиларидан бири Алессио Романьолини ўз таркибига қўшиб олишни режалаштирмоқда, дея хабар бермоқда MD нашри.

Каталония клуби франциялик Умтитини сотиб юбориш ниятида ва унинг ўрнига "россонерилар" ҳимоячисини олиб келмоқчи. Ўз навбатида, "Милан" ҳам Романьоли билан шартномани узайтириш ниятида эмас. Сабаби, клуб Томорининг тўлиқ трансфер ҳуқуқини "Челси"дан сотиб олмоқчи.

Эслатиб ўтамиз, 26 ёшли футболчининг миланликлар билан амладаги шартномаси 2022 йилнинг ёзида ўз якунига етади.