Севилья шаҳрида бўлиб ўтган Испания кубогининг финалида Бильбаонинг «Атлетик» ва «Барселона» клублари тўқнаш келишди.

Роналд Куман шогирдлари бутун ўйин давомида катта устунликка эга бўлиб, кўплаб вазиятларни юзага келтиришди. Уларнинг саъй-ҳаракатлари самара келтира бошлади.

Баҳснинг 60-дақиқасида Френки де Йонгнинг узатмасидан кейин Антуан Гризманн ҳисобни очган бўлса, орадан 3 дақиқа ўтиб нидерландиялик футболчининг ўзи ҳисобдаги фарқни 2тага оширди.

Кейинги 6 дақиқа ичида Лионель Месси 2та гол уришга муваффақ бўлди. Унинг голларига де Йонг ва Альба ассистентлик қилишди.

«Барселона» ўз тарихида 31-марта Испания кубогини қўлга киритди. Бу эса мутлақ рекорд ҳисобланади. Ушбу кўрсаткич бўйича кейинги поғоналарни «Атлетик Бильбао» (23) ва «Реал» (19) эгаллаб туришибди.

Испания кубоги, финал
Атлетик – Барселона 0:4 (0:0, 0:4)
Голлар: 0:1 – 60 Гризманн, 0:2 – 63 де Йонг, 0:3 – 68 Месси, 0:4 – 72 Месси.
Атлетик – Унаи Симон, Де Маркос, Йерай Альварес (Нуньес, 67), Мартинес, Баленсиага, Рауль Гарсия, Унаи Лопес (Берчиче, 67), Беренгер (Весга, 54), Дани Гарсия, Муниаин (Лекуэ, 46), Уильямс (Вильялибре, 67).
Барселона – тер Стеген, Альба, Мингеса (Брэйтуэйт, 87), Пике (Араухо, 82), Дест (Сержи Роберто, 74), Бускетс, де Йонг, Педри (Мориба, 81), Лангле, Гризманн (Дембеле, 88), Месси.
Огоҳлантиришлар: Дани Гарсия (39), Берчиче (90).