Франция клублари янги, Европа Суперлигасида иккита йўлланмани қўлга киритишади, деб хабар беради АFP.

Манбага кўра, ўринлардан бири Франция чемпионига, иккинчиси эса бошқа бир француз клубига берилади. Шу билан бирга, ПСЖ Суперлигада ўйнашга ҳали рози бўлмади, чунки клуб эгалари Чемпионлар Лигаси ўйинларини трансляция қилиш ҳуқуқини сотиб олишга катта маблағ киритган.

Аввалроқ, Франция президенти Эммануэль Макрон француз клубларининг Суперлигада қатнашмаслик қарорини қўллаб-қувватлашини айтганди.

Эслатиб ўтамиз, Суперлигага 12 клуб ўзини таъсис этган. Улар: «Барселона», «Реал», «Атлетико» (барчаси - Испания), «Интер», «Ювентус», «Милан» (барчаси - Италия), «Ливерпуль», «Манчестер Юнайтед», «Манчестер Сити», «Арсенал», «Челси» ва «Тоттенхэм» (барчаси - барчаси Англия).