Лондоннинг «Тоттенхэм» жамоаси Англия Премер лигаси 32 тури доирасида «Эвертон» майдонига сафар уюштириб, 2:2 ҳисобидаги дуранг натижани қайд этганди. Ушбу баҳснинг охирги дақиқаларида «шпорлар»нинг сардори ва етакчиси Ҳарри Кейн жароҳат олиб, майдонни эрта тарк этганди. Бугун чиққан маълумотларга кўра, лондонликлар футболчиси бир неча ҳафтага сафдан чиққан. Кейн «Саутгемтон»га қарши 29 тур доирасидаги қолдирилган учрашувда майдонга туша олмайди. Қолаверса, 25 апрель куни бўлиши кутилаётган «Манчестер Сити»га қарши Англия Лига кубоги финалида майдонга тушиши ҳам сўроқ остида қолмоқда.
