«Рома» ҳужумчиси Эдин Жеко фаолиятини Италия А Сериясининг бошқа клубида давом эттириши мумкин, деб хабар беради Calcimercato.
Босниялик футболчининг хизматларига «Интер» ҳанузгача қизиқиш билдирмоқда.
Манбага кўра, «нерадзурри» аллақачон ўтган қишки трансфер ойнасида 35 ёшли ҳужумчини қўлга киритмоқчи бўлган, аммо ушбу келишув амалга ошмаган.
Футболчининг пойтахт клуби билан шартномаси 2022 йил 20 июньгача амал қилади, шу сабабли ёзда у «Рома»нинг розилигисиз бошқа клублар билан музокара олиб бориши мумкин.
2020/2021 йилги мавсумда Жеко клуб учун барча турнирларда 31 учрашувда майдонга тушиб, 11 гол ва 2 голли узатма муаллифига айланган.
