Аввал хабар берганимиздек бугун Осиё Чемпионлар Лигаси гуруҳ босқичидаги иштирокини давом еттираётган мамлакатимизнинг амалдаги чемпиони «Пахтакор» клуби 3 тур баҳсида маҳаллий «Шаржа» клубига қарши майдонга тушади.
Шу муносабат билан ЎзПФЛ бош директори Диёр Имомхўжаев ўзининг телеграм каналаги қуйидагича пост жойлади.
"Биринчидан, Шаржа мезбон. Бунга қадар Пахтакор Эрон ва Ироқ клублари билан дуранг қайд этди. Бугун эса нафақат мезбон, балки гуруҳ етакчисига қарши майдонга тушади.
Иккинчидан, Шаржа сафида ўзимизнинг Отабек Шукуров ҳаракат қилади. Унинг Пахтакорга қарши ўйини кўпчилик учун қизиқ бўлиши табиий.
Пахтакор ҳам Суперлиганинг, ҳам Чемпионлар лигасининг илк ўйинларида ўз иродасини кўрсата олди. Аммо сўнгги турда Ироқ клубига қарши нурсиз ўйнади. Бугун голландиялик мутахассис бошқарувидаги жамоа гуруҳ етакчисига айланиб олиш учун бор имкониятини ишга солишига шубҳа йўқ".
