"Шахтёр" клуби ҳужумчиси Жулиус Агахова ўзбекистонлик олимпиячиларга қарши ўйиндан кейин ўз фикрларини билдириб ўтди.

— Жулиус, Ўзбекистон олимпия терма жамоасига қарши ўйинни қандай баҳолайсиз?
— Биз таътилдан энди чиқдик ва машғулотларга киришдик. Бундай ўйинларда биринчи навбатда футболчиларнинг қандай ҳолатда эканини, жамоавий боғламларни кўздан кечириб олиш керак.

— Бугун рақиб ҳақида нима дея оласиз?
— Яхши жамоа. Улар олимпия терма жамоаси сифатида яхши тайёргарликка эга ва умуман олганда, яхши таассурот қолдиришди. Улар техник томондан яхши тайёрланишган деб айтиш қийин, аммо улар бу камчиликни иштиёқ ва жисмоний тайёргарлик орқали тўлдиришга ҳаракат қилишди.

— Ғалаба учун бугун нима етишмади?
— Бизда вазиятлар кўп бўлди, аммо улардан фойдалана олмадик. Бундан ташқари, бу бизнинг мавсумдаги илк ўйинимиз бўлди. Жамоа ҳали ўзининг оптимал формасидан йироқда.