«Бордо» коронавируснинг навбатдаги қурбони.
Лига 1да иштирок этадиган, машҳур француз клуби «Бордо» коронавирус пандемияси энг салбий оқибатларга олиб келгани ва шу сабаб клуб бошидан кечирган молиявий инқирозга мустақил равишда бардош бера олмаслигини эълон қилди.
«Жамоа эгаси, сотиб олинганидан бери клубга 46 миллион евро сармоя киритган King Street энди клубни қўллаб-қувватлашни шунингдек, унинг ҳозирги ва келажакдаги эҳтиёжларини молиялаштиришни режалаштирмаслигини аниқ айтди», - дейди «Бордо» матбуот хизмати ўз баёнотида.
Тижорат суди аллақачон клубга доимий ечим топишда ёрдам бериш учун масъул бўлган махсус вакил тайинлаган.
Маълумот ўрнида, «Бордо» жорий мавсум Лига 1да 33 турдан сўнг, 36 очкога эга ва чемпионат жадвалида ўн олтинчи ўринни банд этиб турибди.
