«Bordo» koronavirusning navbatdagi qurboni.

Liga 1da ishtirok etadigan, mashhur fransuz klubi «Bordo» koronavirus pandemiyasi eng salbiy oqibatlarga olib kelgani va shu sabab klub boshidan kechirgan moliyaviy inqirozga mustaqil ravishda bardosh bera olmasligini e’lon qildi.

«Jamoa egasi, sotib olinganidan beri klubga 46 million yevro sarmoya kiritgan King Street endi klubni qo‘llab-quvvatlashni shuningdek, uning hozirgi va kelajakdagi ehtiyojlarini moliyalashtirishni rejalashtirmasligini aniq aytdi», - deydi «Bordo» matbuot xizmati o‘z bayonotida.

Tijorat sudi allaqachon klubga doimiy yechim topishda yordam berish uchun mas’ul bo‘lgan maxsus vakil tayinlagan.

Ma’lumot o‘rnida, «Bordo» joriy mavsum Liga 1da 33 turdan so‘ng, 36 ochkoga ega va chempionat jadvalida o‘n oltinchi o‘rinni band etib turibdi.