Жиззахнинг «Сўғдиёна» жамоаси Ўзбекистон кубоги гуруҳ босқичи иккинчи турида Тошкентда «Бунёдкор» меҳмони бўлди (1:1).
Ушбу учрашувдан сўнг жамоа бош мураббийи Улуғбек Бақоев фикрларини билдириб ўтди.
"Биринчи бўлимда бироз зерикарли ўйин бўлди. Рақиб бизнинг худудимизда кўпроқ тўпни назорат қилишга ҳаракат қилди. Тезкор гол уриб олганимиз ҳисобига танаффусга яхши кайфиятда йўл олдик. Иккинчи бўлимни учта ўзгариш билан бошладик.
Бундан кўзланган мақсад барча футболчиларга имконият беришдир. Бугунги натижани жанговар дуранг десак муболаға бўлмайди. «Бунёдкор»га кейинги учрашувларда омад тилайман. Худди шу омад бизга ҳам керак", - дейди Бақоев.
