Хабарингиз бор, кеча кубок доирасида "Бунёдкор" "Сўғдиёна"ни қабул қилди. Ўйиндан сўнг жамоанинг тожикистонлик ҳимоячиси Давронжон Эргашев ўз фикрини билдирди.
"Сўғдиёна" билан ўз майдонимиздаги ўйинда ғалаба қозонишимиз шарт эди. Шундагина кейинги босқич масаласини ижобий ҳал қилардик. Масъулиятни барча ҳис қилиб турганди. Илк дақиқалардан бошлаб бор эътиборимизни ҳужумга қаратдик.
Ўзингиз ҳам кўрдингиз қулай вазиятларни голга айланишига озгина омад етишмади. Иккинчи бўлимда кўплаб ҳужумларимизнинг биттасидан самара чиқара олдик. Уйимизда ўтаётган баҳсларда мухлисларимизни хурсанд қила олмаяпмиз. Насиб қилса навбатдаги учрашувларда ғалабани тантана қилишга ҳаракат қиламиз.
Қаршидаги ўйинда дурангни ўйламаймиз. Бизни ғалабадан бошқа натижа қониқтирмайди. Навбатдаги босқич йўлланмасини "Насаф" майдонида қўлга киритамиз", - дейди Эргашев.
