Мадриднинг "Реал" клуби бош мураббийи Зинедин Зидан кечаги дуранг натижадан сўнг, клубнинг чемпионлик учун имкониятлари ҳақида ўз фикрлари билан ўртоқлашди.
"Бизда ҳеч қандай жисмоний муаммолар бўлмаган. Сўнгги ўйинларда яхшироқ ҳолатга эга бўлдик. Менимча, қолган ўйинларда рақиблар максимал очколарни қўлга киритишади. Аммо улар шундай қилишса, биз чемпион бўла олмаймиз", - дейди Зидан.
Мавсум тугашига беш тур қолганида "Реал" Испания чемпионати жадвалида иккинчи ўринда бормоқда ва битта кам ўйин ўтказган "Атлетико"дан икки очко ортда қолмоқда. Шу билан бирга, "Реал" "Барселона"дан уч очко олдинда, аммо каталонияликларнинг захирасида иккита учрашув бор.
