“Манчестер Сити” Англия Лига Кубоги финалида 25-апрел куни “Тоттенхэм” билан баҳс юритди ва ғалаба қозонди (1:0).
“Шаҳарликлар” кетма-кет тўртинчи марта Лига Кубогида ғалаба қозонди. Бу 1984-йилдан кейинги энг узун серия бўлди. “Ливерпуль” 1981—1984-йилларда кетма-кет тўрт марта ушбу мусобақада зафар қучганди.
“Манчестер Сити” 2017/18-йилги мавсум финалида “Арсенал”ни (3:0), 2018/19-йилги мавсумда “Челси”ни (0:0, пеналтилар серияси — 4:3), 2019/20-йилги мавсумда эса “Астон Вилла”ни мағлуб этиб (2:1), кубокни ютиб олганди.
Пеп Гвардиола жамоаси Премьер Лигада энг яқин таъқибчисини 10 очкога ортда қолдирган ҳолда пешқадамлик қилмоқда. Шунингдек, жамоа Чемпионлар Лигаси ярим финалига чиққан ва унда “ПСЖ” билан куч синашади.
