Кеча, 25 апрель куни Лондондаги «Уэмбли» стадионида «Манчестер Сити» ва «Тоттенхэм» ўртасида Англия Лига Кубоги финал учрашуви бўлиб ўтди. Учрашув 1:0 ҳисобида «шаҳарликлар»нинг ғалабаси билан якунланди.
«Тоттенхэм» жамоасининг 27 ёшли инглиз ҳужумчиси Харри Кейн ушбу ўйинда бирон марта ҳам зарба бермади ва жамоаси учун бирорта имконият яратмади.
Ҳужумчида бундай кўрсатгич, сўнгги марта 2018 йилда, «шпорлар» Чемпионлар Лигасида «Интер» (1-2) билан тўқнаш келганида рўй берган эди.
Маълумот ўрнида, жорий мавсумда Кейн «Тоттенхэм» таркибида барча мусобақаларда 44 учрашув ўтказиб, 31 гол урди ва 16 голга ассист амалга оширди.
