Осиё Чемпионлар лигаси гуруҳ босқичи 5-тури доирасида «Пахтакор» Эроннинг «Трактор» клуби билан рўбару келди.

Ушбу баҳсда вакилларимиз фақатгина ғалаба қайд этган ҳолда ўз имкониятларини яхшилаб олишлари мумкин эди.

Бироқ, Тошкент жамоаси гуруҳдаги бешта учрашувдан кетма-кет тўртинчисида ҳам 1 очко ола билишди холос. Бугунги учрашувда ҳам дарвозаларга бирорта тўп киритилмади ва томонлар нурсиз дурангга имзо чекишди.

Натижада «Пахтакор» 4 очко тўплаган ҳолда ўз гуруҳида учинчи ўринда қолди. «Трактор» эса, бугунги ўйиндан сўнг, очколари сонини еттитага етказиб, иккинчи поғонадан жой олди.

Шу тариқа, «шерлар»нинг охирги турда, «Эйр Форс» клубига қарши кечадиган баҳси расмиятчилик учун кечадиган бўлди.

ОЧЛ. 5-тур
«Трактор» (Эрон) - «Пахтакор» (Ўзбекистон) - 0:0

«Трактор»: Муҳаммадризо Ахбори, Муҳаммадризо Хонзода, Ҳади Муҳаммади, Ҳамид Буҳамдан, Пейман Бобойи, Саман Наримонжаҳон, Меҳди Тикдари, Мейсам Темурий, Абулфазл Раззоқпур, Ашкан Дежага (Кишоварзи, 56), Милод Фахриддиний.

«Пахтакор»: 35.Санжар Қувватов, 3.Ҳожиакбар Алижонов, 23.Шерзод Аъзамов, 15.Егор Кримец, 34.Фаррух Сайфиев, 19.Шароф Муҳитдинов (8.Азизбек Турғунбоев, 56), 27.Сардор Собирхўжаев (Ҳумоюнмирзо Иминов, 86), 18.Ҳожимат Эркинов ( 42.Аббос Файзуллаев, 68), 10.Драган Черан, 28.Диёр Холматов (21.Аброр Исмоилов, 56), 9.Эрен Дердийўқ (17.Шерзод Темиров,