ПСЖ посбони Кейлор Навас ўз мақсади ҳақида гапирди.
«Менимча, клубимиз барча мусобақаларда ғолиб чиқиш имкониятига эга. Мен ҳозир йирик кубокларга чанқоқман, барча мумкин бўлган унвонларни ютмоқчиман. Энг устувор мақсадим уйимга ЕЧЛ кубогини олиб қайтиш", - дейди Навас.
Эслатиб ўтамиз, 34 ёшли коста-рикалик 26 апрель арафасида клуб билан 2024 йилгача амал қиладиган янги шартнома имзолаган эди.
У 2019 йилдан бери Париж клуби шарафини ҳимоя қилиб келади. Франция жамоаси таркибида Кейлор миллий чемпионат, Франция кубоги ва Лига кубогини ютди, ўтган йили Чемпионлар Лигаси финалида ўйнади.
