«Ювентус» бош мураббийи Андреа Пирлонинг Турин клубидаги фаолияти сўроқ остида қолмоқда.
La Stampa’нинг ёзишича, Турин жамоаси кейинги турда «Удинезе» билан баҳсда мағлубиятга учраса, бош мураббий Андреа Пирло истеъфога чиқарилади. Клуб раҳбарияти бу ҳақда италиялик мураббийни хабардор қилган.
Қайд этилишича, клуб хўжайини Андре Аньеллли Пирлони лавозимидан озод этган тақдирда, мавсум якунигача «Ювентус»ни жамоанинг собиқ футболчиси хорватлиялик Игор Тудор бошқариб туради.
Маълумот учун, Турин клуби А Серия 33-туридан кейин 66 очко билан 4-ўринда бормоқда.
