Франциянинг бир нечта ОАВ нашрлари "Ювентус" ёзги трансфер ойнасида "Лион" ва Нидерландия терма жамоаси ҳужумчиси Мемфис Депайни сотиб олишни режалаштираётгани ҳақида хабарлар тарқатмоқда.
Футболчининг француз клуби билан шартномаси 2021-йил 20-июнда тугайди ва у янги клубга бепул агент сифатида ўтиши мумкин. Бу эса коронавирус пандемияси даврида жиддий молиявий қийинчиликларни бошдан кечираётган, аммо ҳужум чизиғини кучайтириши керак бўлган туринликлар учун жуда мос келади.
"Ювентус" ушбу футболчи учун "Барселона" ва "Ливерпуль" билан курашиши керак. Депай ушбу мавсум "Лион" таркибида барча турнирларда 37 учрашув ўтказиб, 20та гол урди ҳамда 9та голли узатма берди.
Трансфермаркт портали унинг нархини 45 миллион еврога баҳоламоқда.
