Россиянинг Санк-Петербург шаҳрида бўлиб ўтаётган МДҲ Кубоги давом этмоқда.
Кеча дастлаб "С" гуруҳи ўйинлари бўлиб ўтди. Қизиқ томони, ундаги ҳар иккала ўйинда ҳам ҳисоб очилмади. Дастлаб Эрон ёшлари Беларусь билан дуранг қайд этган бўлишса, кейин Тожикистон Литва қаршилигини синдира олмади - 0:0.
Шу куннинг ўзида "А" гуруҳида 2-тур беллашувларига старт берилди. Бир кун аввал Эстония ёшларини минимал ҳисобда таслим қилган Туркманистон бу сафар Қозоғистонга қарши ўйинда имкониятни бой берди - 1:3. Турнирни босиқлик билан бошлаган Россия ёшлар терма жамоаси эса 2-турда ҳам ўша хотиржамликни сақлагани ҳолда, эстонлар устидан кичик ҳисобда зафар қучди - 1:0. Айни пайтда Россия 6 очко билан гуруҳни бошқариб турибди, Қозоғистон ва Туркманистон термалари ҳисобида 3 тадан очко мавжуд. Сўнгги турни туркман қўшниларимиз Россияга қарши ўтказишса, Қозоғистон гуруҳ аутсайдери Эстонияни имтиҳон қилади.
