"Реал" дарвозабони Тибо Куртуа Чемпионлар Лигаси ярим финали доирасида "Челси"га қарши бўлиб ўтган ўйин ҳақида гапирди. Эслатиб ўтамиз, Мадридда бўлиб ўтган биринчи ўйин дуранг билан тугаган. (1:1).
"Жавоб учрашуви финалга ўхшаш бўлади. "Челси" биздан кўра тажовузкор ва шиддатлироқ ўйнади, аммо "Реал" ўз имкониятларидан фойдалана олди. Рақиб бор кучини берди. Тўпга кўпроқ эгалик қилишимиз керак. Иккинчи бўлимда биз ўйинни яхшироқ назорат қилдик", - дея Куртуанинг сўзларини келтирган beIN SPORT.
"Челси" ва "Реал"нинг Чемпионлар Лигаси ярим финал жавоб учрашуви 5-май куни Лондон шаҳридаги "Стэмфорд Бридж" стадионида бўлиб ўтади. Ярим финалнинг яна бир жуфтлигида "Париж Сен-Жермени" ва "Манчестер Сити" тўқнаш келишади.
